रुपनी (सप्तरी), २४ माघ । सप्तरीको तत्कालीन रायपुर गाउँ विकास समितिका पूर्व उपाध्यक्ष हिरालाल मण्डल नेपाली कांग्रेस परित्याग गरी जनता समाजवादी पार्टी (जसपा) नेपाल मा प्रवेश गरेका छन्।वडा नम्बर २ स्थित उनकै निवासमा आयोजित कार्यक्रममा जसपा नेपालका अध्यक्ष एवम् सप्तरी क्षेत्र नम्बर ३ का प्रतिनिधिसभा सदस्यका उम्मेदवार उपेन्द्र यादव ले मण्डललाई पार्टीमा स्वागत गरेका हुन्। अध्यक्ष यादवले माला, टिका र गम्छा लगाएर स्वागत गरेका थिए।पार्टीका केन्द्रीय सचिव शैलेन्द्र प्रसाद साह का अनुसार, लामो समयदेखि नेपाली कांग्रेसमा रहेर सक्रिय राजनीतिमा संलग्न मण्डलको जसपामा प्रवेशसँगै स्थानीय राजनीतिक समीकरणमा प्रभाव पर्ने अपेक्षा गरिएको छ।
