सिरहाको सुखीपुरमा १५ करोड ५० लाख लागतको गागन सिँचाइ आयोजना निर्माण सुरु ।

सिरहा — मधेश प्रदेश सरकारअन्तर्गत ऊर्जा, सिँचाइ तथा खानेपानी मन्त्रालयको पहलमा सिरहाको सुखीपुर क्षेत्रमा गगन सिँचाइ उप–आयोजनाको निर्माण/पुनःस्थापना कार्य सुरु भएको छ। एसियाली विकास बैंक (ADB) को ऋण सहयोगमा सञ्चालन हुने Irrigation Modernization Enhancement Project अन्तर्गत यो आयोजना अघि बढाइएको हो।गगन सिँचाइ उप–आयोजना सुखीपुर नगरपालिका वडा नम्बर ४, ६, ८ र १० मा कार्यान्वयन हुने जनाइएको छ। आयोजनाको सम्झौता मिति २०८२ साल फागुन ११ गते (मे २५, २०२५) रहेको छ भने काम सुरु भएको मितिबाट ५४८ दिनभित्र सम्पन्न गर्ने लक्ष्य राखिएको छ।आयोजनाको कुल लागत १५ करोड ५० लाख ७ हजार ६ सय ३३ रुपैयाँ ९५ पैसा (भ्याट र पीएससहित) रहेको सूचनापाटीमा उल्लेख छ। ठेक्का Ashish/Prithivi J.V., काठमाडौंले पाएको छ।यस आयोजनाबाट सुखीपुर क्षेत्रका किसानलाई सिँचाइ सुविधा विस्तार भई कृषि उत्पादनमा वृद्धि हुने अपेक्षा गरिएको छ। दीर्घकालीन रूपमा जलस्रोतको सदुपयोग र सिँचाइ प्रणालीको आधुनिकीकरणमा यो परियोजना महत्वपूर्ण हुने स्थानीयवासीको विश्वास छ। उक्त परियोजना ल्याउनमा सुखीपुर नगरपालिकाका मेयर पदका प्रमुख प्रत्यासी ई. जीबछ यादबको बिशेष पहल  रहेको  भएको स्थानीयहरुको भनाई छ । तस्विरहरु –