उज्यालो नेपाल र सर्वोदय पार्टी बीच चुनावी एकता सम्पन्न
काठमाडौँ, ९ पुस — आगामी निर्वाचनलाई लक्षित गर्दै उज्यालो नेपाल पार्टी र सर्वोदय पार्टीबीच औपचारिक रूपमा चुनावी एकता सम्पन्न भएको छ । ऊर्जामन्त्री कुलमान घिसिङ संलग्न उज्यालो नेपाल पार्टी र दीपककुमार साह नेतृत्वको सर्वोदय पार्टीले संयुक्त रूपमा निर्वाचनमा सहभागी हुने निर्णय गरेका हुन् ।
दुवै दलले उज्यालो नेपाल पार्टीको चुनाव चिह्न ‘बलेको चिम’ प्रयोग गरी साझा उम्मेदवारसहित चुनावी प्रतिस्पर्धामा उत्रिने सहमति गरेका छन् । यस एकताले वैकल्पिक राजनीतिक धारलाई थप मजबुत बनाउने दाबी नेताहरूले गरेका छन् ।सर्वोदय पार्टीका अध्यक्ष दीपककुमार साह यसअघि जनमत पार्टीका उपाध्यक्ष थिए । पार्टीभित्रको कारबाहीपछि उनले जनस्वराज पार्टी गठन गरेका थिए । तर अदालतबाट मान्यता नपाएपछि उनले सर्वोदय पार्टी निर्वाचन आयोगमा दर्ता गराएका हुन् ।चुनावी एकतासम्बन्धी औपचारिक सम्झौतामा हस्ताक्षर गर्न आज दिउँसो १ बजे काठमाडौँको नयाँ बानेश्वरस्थित इन्द्रेणी ब्यांकेटमा कार्यक्रम आयोजना गरिएको छ । यसअघि उक्त कार्यक्रम त्रिपुरेश्वरस्थित उज्यालो नेपाल पार्टीको केन्द्रीय कार्यालयमा हुने भनिएको थियो ।दुवै पार्टीबीचको यस एकतालाई आगामी निर्वाचनमा नयाँ राजनीतिक समीकरणको रूपमा हेरिएको छ ।
