प्याक (PAC)नेपालको आवाज प्रोजेक्ट अन्तर्गत सिरहा नगरपालिकाको वडा नं ५ र ६ का दलित बस्ती तथा पिछडिएको समुहहरुको लागी बिभिन्न किसिमका सहयोगका सामाग्रीहरु बितरण गरियो । दलित समुदायलाई सशक्तिकरण गर्नको लागी शिक्षा स्वास्थ्य लाई सबल बनाई रोजगारीमा सहभागी गराउन आवश्यक सहयोग गरियो । आवाज कार्यक्रम अन्तर्गत सिरहा नगरपालिकाको वडा नं ५ को आधारभुत बिधालयमा पानी ट्यांकी , मोटर , whiteboard , बालबालिकाको लागी शैक्षिक सामाग्री ( बालबिकासको लागी चाहिने printed flex ) खेलकुदका सामाग्री फुटबल , क्यारमबोर्ड आदि बितरण गरियो , भर्ना अभियान अन्तर्गत PAC र LWF को सहयोगमा वडा भरिको दलित बस्तीमा बिधार्थी भर्ना प्रती जागरुक गराउन प्रभातफेरी गरि यस बर्ष गत बर्षभन्दा ठुलो संख्यामा बिधार्थी भर्ना गरियो , वडा नं ५ मै Startup support को लागी एक जनालाई साईकल तथा क्यारेट र एक जनालाई किराना पसल शुरु गर्नको लागी किरानाका सामानहरु बितरण गरियो । त्यसै वडामा एक जना दलित महिलाको आधा बनिसकेको सौचालयको लागी जस्ता बितरण गरियो । वडा नं ५ मै एक जना पसलले जसलाई पहिले पनि सहयोग गरिएको थियो वहाँलाई पुनः किरानाका सामानहरु प्रदान गरियो ।
यस आबाज कार्यक्रम अन्तर्गत गरिब दलित बस्तीहरुमा २०-२५को समुह हरु बनाईएको हुन्छ र समुहमा समय समयमा TP (रुपान्तर ) कक्षामा बसेर सबैभन्दा बढि आबश्यता भएको व्यक्ति लाई सहयोगका लागी सिफारिस गरिन्छ ,र उक्त व्यक्तिले सहयोग लिए पछि काम सम्पादन गरे नगरेको निगरानी गरिन्छ । त्यसै अन्तर्गत वडा नं ६ मा स्कुललाई शैक्षिक सामाग्रीहरु र Business startup का लागी किरानाका सामानहरु बितरण गरियो । वडा नं ६ कै अर्को दलित बस्तीमा १२ जनालाई सौचालकका लागी जस्ता पाता र बाँस बितरण गरियो , त्यहि बस्तीमा स्वरोजगारीको लागी साईकल समेत बितरण गरियो । त्यसै गरी वडा नं १९ मा मुसहर टोलमा २० जना लाई कोदालो बितरण गरियो ।यसरी स्टार्टअपका लागी जम्मा १५ जना र सौचालयका लागी २० जना लाई सहयोग प्रदान गरियो । कार्यक्रम पुर्णतः दलित जनसंख्या भएको बस्तीमा सम्पन्न गरियो , बितरण कार्यकममा वडा नंं. ६ का वडाध्यक्ष ईन्द्रजित यादव , वडा नं ५ का वडाध्यक्ष जागेश्वर यादव , PAC नेपालका कार्यकारी निर्देशक सुनिल कुमार यादव , भुमा लामा कोषाध्यक्ष , सतिस यादव लेखापाल , यशराज , मिथलेस यादव लगायत स्थानीय नेता , समाजसेवी , पत्रकारहरु र महिला तथा बालबालिकाहरुको व्यापक सहभागितामा कार्यक्रम सम्पन्न भयो । कार्यक्रम गरिएको समुदायका व्यक्तिहरुले (लाभार्थीहरुले ) आफ्नो जीवनमा टेवा पुर्याउन र उकास्न जीवनमै पहिलो पटक यस्तो किसिमको सहयोग प्राप्त भएको कुरा जानकारी गराए र आफुहरुले पछि पनि यस्तो किसिमका सरसमाना तथा तालिमरुपी सहयोगको अपेक्षा राखेको कुरा कार्यकारी निर्देशक सुनिल कुमार यादव समक्ष भावना पोखे र वहाले पनि यथा सम्भब सहयोग उपलब्ध गराउने प्रतिबद्धता गर्नु भयो ।
तस्बीरहरु –
