जनकपुर , मधेश प्रदेश सरकारले गृह, संचार र कानुन मन्त्री राजकुमार लेखीका पीएसओ (सुरक्षा गार्ड) प्रहरी सहायक निरीक्षक (असई) वीरेन्द्रकुमार यादवको निधन भएको जनाएको छ। सिरहाको सिरहा नगरपालिका–२५, सुखचैना घर भएका यादवको मृत्यु नोबेल अस्पताल विराटनगरमा भएको हो।
आइतबार राती ११ बजे अचानक पेट र छातीमा दुखाइ आएकोमा उनलाई अस्पतालमा ल्याइएको थियो। मधेश प्रदेश प्रहरी कार्यालयका वरिष्ठ प्रहरी उपरीक्षक शान्तिराज कोइरालाका अनुसार, करिव १२ बजे यादवको निधन भएको जानकारी दिइएको छ। यादवको ड्युटी मधेश प्रदेश प्रहरी गण जनकपुरधाममा थियो।
