उपत्यकामा थप ९ जनामा हैजा संक्रमण पुष्टि भएको छ । सोमबार स्वास्थ्य सेवा विभाग इपिडिमियोलोजी तथा रोग नियन्त्रण महाशाखा (इडीसीडी) दिएको जानकारी अनुसार ललितपुरमा ७ र काठमाडौंमा २ जनामा हैजा संक्रमण पुष्टि भएको हो ।
योसँगै मुलुकभर हैजा संक्रमितको संख्या ५० पुगेको छ ।
हालसम्म ललितपुरमा सबभन्दा धेरै संक्रमित रहेका छन् । ललितपुरमा ३८ जना हैजा संक्रमित भेटिएका छन् । हालसम्म ललितपुरसहित काठमाडौं, कैलाली, प्युठानमा हैजा संक्रमित भेटिएका छन् ।
हाल ललितपुरका ३ जना बिरामी अस्पतालमा उपचाररत रहेको इडीसीडीले जनाएको छ । अहिलेसम्म हैजा संक्रमणबाट कसैको पनि मृत्यु भएको छैन ।
