सिरहा, २७ बैशाख। सिरहा प्रहरीले प्रतिवन्धित लागु पदार्थसहित तीन जनालाई पक्राउ गरेको छ। औरही गाउँपालिका १ दरैहियाबाट करिब ७ ग्राम ५२० मिलिग्राम अवैध लागूपदार्थ ब्राउनसुगरसहित गोलबजार नगरपालिका १२ का २३ वर्षीय युगेश लामा र धनगढीमाई नगरपालिका १० का २३ वर्षीय विषेश श्रेष्ठलाई पक्राउ गरेको हो।
भारतबाट नेपालतर्फ आउँदै गरेको बागमती प्रदेश–०२१ प ८४८५ नम्बरको मोटरसाइकललाई शंकालागि चेकजाँच गर्ने क्रममा मोटरसाइकलको भाईजरमा लुकाई राखेको दुईवटा पीलाष्टिक पोकामा ब्राउसुगर फेला परेपछि दुवैजनालाई नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीएसपी मुक्तिनाथ साँपकोटाले जानकारी दिए।
त्यसैगरी, भारतबाट पैदल नेपाल तर्फ आउँदैगरेको अवस्थामा प्रहरीलाई शंकालागि चेकजाँच गर्ने अवस्थामा औरही गाउँ पालिका १ बाट भारत भकुवनी जिल्ला, लदनियाँ ग्रामपञ्चायत ३ का २४ वर्षिय राजकुमार साहलाई कोडवील नामक लागुऔषध २४ थानसहित नियन्त्रणमा लिएको छ।
उनीहरुसवैलाई जिल्ला प्रहरी कार्यालय सिरहामा राखि थप अनुसन्धान गरिरहेको प्रहरीले जनाएको छ।
