।
रगञ्ज, ७ पुष । मधेश प्रदेशअन्तर्गत पर्सा, बारा र रौतहट जिल्लासम्मका जनतालाई सेवा दिने सिमरा विमानस्थलबाट हुने उडान प्रभावित भएको छ ।
बिहिबार विहानैदेखि लागेको बाक्लो हुस्सु तथा कुहिरोका कारण बाराको जितपुरसिमरा उपमहानगरपालिकास्थित विमानस्थलबाट हुने उडान प्रभावित भएको हो ।
विनान्स्थलका सूचना अधिकारी सुरेन्द्र कुशवाहका अनुसार आज बिहानदेखि अनुसूचित तिनवटा उडान रद्द भएका छन् । बुद्ध एयरलाइन्सका दुइ र यती एयरलाइसका १ गरी ३ उडान रद्द भएको छ ।
खराब मौसमका कारण भिजिबिलीटी राम्रो नहुँदा बिहानदेखि एयरपोर्ट खुल्न सकेको छैन । अनुसूचित ३ वटा उडान रद्द भएका छन् । अन्य उडान ढिला भएपनि रद्द हुने सम्भावना उच्च छ,’ कुशवाहले यात्राडेलीलाई भने । मौसम सुधार आएपछि उडान हुने उनले बताए ।
सिमरा विमानस्थलबाट दैनिक बुद्ध एयरलाइन्सको ७ र यती एयरलाइन्सको २ गरी ९ वटा उडान हुने गरेको छ ।
