लहान, सिरहा: रिंकु कुमारी सदायलाई न्याय दिलाउनको लागि एक शान्तिपूर्ण र्यालीको आयोजना गरिने भएको छ। मुसहर समाज समितिको संयोजनमा, लहान नगरपालिकामा फाल्गुन १६ गते (२०८१/११/१६) शुक्रबारका दिन बिहान ११ बजे र्याली निकालिने भएको छ।
यस र्यालीमा सहभागी हुनका लागि आयोजकहरूले आह्वान गरेका छन्, जसको मुख्य उद्देश्य रिंकु कुमारी सदायको न्यायको लागि आवाज उठाउनु रहेको छ। र्याली लहान माटियर्वा स्कूल प्रांगणबाट सुरु हुने जानकारी दिइएको छ।
रिंकु कुमारी सदायको मृत्युपछि परिवार र समाजमा न्यायको माग उठिरहेको छ, र उक्त घटनाको निष्पक्ष अनुसन्धानको लागि यो अभियान चलाइएको छ। मुसहर समाज समितिले यस विषयमा कडा कदम चाल्नको लागि सबैलाई एकजुट हुन अपिल गरेको छ।
आयोजना: मसर समाज समिति, सिरहा
स्थान: लहान माटियल स्कूल प्रांगण, लहान नगरपालिका
समय: बिहान ११:०० बजे, फाल्गुन १६ (२०८१/११/१६)
सम्बन्धित व्यक्तिहरूले यस र्यालीमा सहभागी भएर न्यायको आवाजलाई थप बलियो बनाउने अपिल गरिएको छ।
