सिरहा, धनगढीमाई – बितेको दशैँ, आउँदै गरेको दिपावली तथा छठ पर्वको अवसरमा सिरहाका युवाहरूद्वारा आयोजित शुभकामना आदानप्रदान तथा चियापान समारोह भव्य रूपमा सम्पन्न भएको छ। यस कार्यक्रममा स्थानीय कला र संस्कृतिलाई उजागर गर्दै, आफ्नो योगदान पुर्याइरहेका युवासाथीहरूलाई विशेष सम्मान गरिएको छ।
कार्यक्रमको नेतृत्व युवा नेता तथा सामाजिक अभियन्ता शिव यादवले गरेका थिए। शिव यादवले कार्यक्रममा सिरहाका युवा कलाकारहरू, जसमध्ये गायक जागेश ठाकुर, सानुमाया, महेश यादव, राम अधिन सम्भव लगायतका कलाकारहरूलाई सम्मान पत्र र मायाको चिनो प्रदान गर्दै उनीहरूको कलाप्रति कदर व्यक्त गरे।
कार्यक्रममा सिरहाका विभिन्न स्थानका युवाहरूले आफ्नो मन्तव्य राख्दै समाजमा युवा सहभागिता र स्थानीय संस्कृतिको संरक्षणको महत्त्वमा जोड दिए। उपस्थित सम्पूर्ण युवासाथीहरूलाई धन्यवाद दिँदै, कार्यक्रमले एकताको भावना बलियो बनाउँदै स्थानीय परम्परा र संस्कृतिलाई अझै सुदृढ गर्नुपर्ने कुरा बताइयो।कार्यक्रममा वक्ताहरुले मधेशमा डढेलो सरी फैलिरहेको लागु पदार्थ दुर्व्यसनको बारेमा पनि चर्चा गरे र नियन्त्रणको लागी सम्पुर्ण युवाहरु अठोट गरेर लागु पर्ने कुरा औल्याए । साथै देशमा युवाहरुले नेतृत्वदायी भूमिका पाउनुपर्ने आवाज युवाहरुले उठान गरे ।यो समारोहले स्थानीय स्तरमा मात्र नभई सम्पूर्ण जिल्लामा युवाहरूको सक्रियता र सामाजिक योगदानको महत्त्वलाई उजागर गरेको छ।
तस्वीरहरु – 
