समृद्धि फाइनेन्स शाखा कार्यालय कसहा र नेपाल रेडक्रस सोसाइटी धनगढी शाखाको संयुक्त आयोजनामा रक्तदान कार्यक्रम सम्पन्न भएको छ। कार्यक्रम समृद्धि फाइनेन्स कसहाका शाखा प्रबन्धक प्रदीप महतोको समन्वयमा सम्पन्न भएको हो।
रक्तदान कार्यक्रममा २३ जनाले स्वेच्छिक रूपमा रगत दान गरेका छन्। ग्राहक तथा आम बिरामीहरूलाई रगतको अभाव हुन नदिन योगदान पुर्याउने उद्देश्यले कार्यक्रम आयोजना गरिएको शाखा प्रबन्धक महतोले जानकारी दिनुभयो। उहाँका अनुसार हामीले दिएको २५० मिलिलिटर रगतले कुनै बिरामीको ज्यान जोगिन सक्छ भने त्योभन्दा ठूलो मानवीय सेवा केही हुन सक्दैन।
रक्तदान जीवन दान भन्ने नारासहित आयोजना गरिएको कार्यक्रममा नेपाल रेडक्रस सोसाइटी धनगढी शाखाका प्रमुख गंगाराम यादवको विशेष उपस्थिति रहेको थियो। कार्यक्रममा सहभागी दाताहरूको योगदानले समाजमा मानवता र सहयोगको सन्देश प्रवाह गरेको आयो
जकको भनाइ छ।
