बिहार , अररिया जिल्लाको नरपतगञ्ज ब्लक अन्तर्गत खाब्दा कन्हैली माध्यमिक विद्यालयमा कार्यरत शिक्षिका शिवानी कुमारी (२८) को बुधबार बिहान मोटरसाइकलमा सवार अपराधीहरूले गोली हानी हत्या गरेका थिए । उत्तर प्रदेशकी शिवानी स्कुटीमा स्कुल आउँदै गर्दा दुई मोटरसाइकल सवार अपहरणकारीले उनलाई टाँउकोमा गोली हानेका थिए ।
गोली लाग्नेबित्तिकै उनी सडकमा खसेकी थिइन् । घटनाको जानकारी पाउनासाथ स्थानीयवासीले घटनास्थल पुगेर गम्भीर घाइते शिक्षिकालाई तुरुन्तै सदर अस्पताल अररियामा लगे पनि प्रारम्भिक अनुसन्धानपछि चिकित्सकले मृत घोषणा गरेका थिए । घटना विहान ९ बजेतिर भएको बताइएको छ ।गाउँलेका अनुसार दुई जना नकाबधारी लुटेरा मोटरसाइकलमा आएका थिए । उनीहरुले शिक्षकलाई नजिकबाट गोली हानेर भागेका थिए । मृतक शिवानीकुमारी केही महिनाअघि मात्रै यही विद्यालयमा खटिएका थिए । उत्तर प्रदेशको बाराबंकी जिल्लाकी शिवानी वर्मा दुई वर्षदेखि कन्हैली माध्यमिक विद्यालयमा कार्यरत थिइन् ।
