टिकटोक प्लेटफर्ममा अश्लिल कुराकानी, गैर समाजिक गतिविधि गर्नेहरुमाथि मुद्दा हाल्ने तयारी गरिएको छ ।
धनुषा जिल्लाको गणेशमान चारनाथ नगरपालिका वडा नम्बर ८ चितहा लवटोली बस्ने स्थानीय दिनेश यादवको छोरा बर्ष २६ को अमित कुमार यादवसहित उनको लाईभमा गैर समाजिक तथा अश्लिल कुराकानी गर्नेहरुमाथि मुद्दा हाल्ने तयारी गरिएको हो ।
स्थानीय केही जागरुक युवकहरुले टिकटक जस्ता समाजिक सँजालमा गैर समाजिक कार्य गरेको, अश्लिल तथा अभद्र गालीगलौजहरु गरिएको कुरालाई भिडियो प्रमाणसहित जिल्ला प्रहरी कार्यालय धनुषा, जिल्ला प्रशासन कार्यालय धनुषामा मुद्दा हाल्ने तयारी गरिएको हो ।
मुद्दाको लागि सबै प्रमाण सबुतहरुसहित तयारी गरिसकेको र मुद्दा दायर गर्ने तयारीमा रहेको जनाईएको छ । नाम नखोल्ने शर्तमा युवाहरुको एक समूहले टिकटकमा “न्यू स्टार” नाम राखेका दिनेश यादवका छोरा अमित यादवले पछिल्लो समय गालीगलौज, अभद्र भाषा प्रयोग तथा महिलाहरूलाई लक्षित गर्दै सामाजिक सञ्जालमा आपत्तिजनक टिप्पणी गर्ने गरेका छन्।
प्रत्यक्ष प्रसारण (लाइभ) तथा भिडियोहरूमा निरन्तर नकारात्मक र आपत्तिजनक सामग्री प्रस्तुत गर्दै आएका कारण धेरै प्रयोगकर्ताहरूले उनको कडा आलोचना गरिरहेका छन्।
यस सन्दर्भमा जिल्ला प्रहरी कार्यालय धनुषाका प्रहरी प्रमुख (एसपी) भुवनेश्वर तिवारीले जिल्ला प्रहरीमा जाहेरी आए लगत्तै उनीहरुलाई पक्राउ गर्ने जानकारी दिए । निवेदनको प्रकृति अनुसार उनीहरुलाई साईबर क्राईम, अभद्र व्यवहार, समाजिक सदभाव खलल विरुद्धमा पक्राउ गर्न सकिने जनाए । साभार – ईन्युजब्युरो डटकम बाट
