सिरहा , आज डिसेम्बर १८ अर्थात् आप्रवासी दिवस । नेपाल लगायत विश्वभरी विभिन्न कार्यक्रम गरी मनाइदैछ । सन् १९९० मा विश्व आप्रवासी कामदार र उनीहरुका परिवारको हक अधिकार संरक्षणका लागि संयुक्त राष्ट्रसंघले अन्तर्राष्ट्रिय महासन्धी पारित गरेको अवसर पारेर हरेक बर्ष डिसेम्बर १८ लाई अन्तर्राष्ट्रिय आप्रवासी दिवसका रुपमा मनाउन थालिएको हो । यसै क्रममा सिरहा जिल्लाको मिर्चैया नगरपालिकाले भब्य कार्यक्रमहरु गरी मनाएको छ , कार्यक्रममा रक्तदान , प्रभातफेरी कोणसभा समेटिएको छ । कार्यक्रमका प्रमुख अतिथि मिर्चैया नगरपालिकाका मेयर क्ष्रबण यादव रहेका थिए , कार्यक्रममा मिर्चैया अस्पतालका मेसु डा. सारिका गोइत , रेमी परियोजनाका शाखा प्रमुख युव राज यादव जीको अगुवाइमा यो कार्यक्रम सम्पन्न भयो । कार्यक्रममा रेमी शखाका कर्मचारीहरु , मलहनिया स्कुलका प्र. अ. बिधार्थीहरु , शारदा मा. बि. का बिधार्थीहरु , शिक्षक शिक्षिकाहरु वडा नं ८ का वडाध्यक्ष दिनेश्वर यादव , शिक्षाविद हरिहर धिताल , उदघोषक श्याम यादव लगायत बिधार्थीहरु र स्थानीयहरुको सहभागिता रहेको थियो । कार्यक्रममा बोल्दै मेयर क्ष्रबण यादवले रेमी परियोजनाको बारेमा बोल्नु भयो , रेमी परियोजना जुन कि सिरहा जिल्लाको २ वटा पालिकामा मात्र सञ्चालन रहेको र प्रदेश भित्र १० वटा पालिकामा मात्र सञ्चालन रहेको जानकारी गराउनु भयो । बैदेशीक रोजगारी बाट फर्केका हरुको लागी देश भित्र आर्थिक उपार्जन गर्न सघाउने एउटा परियोजना रहेको जानकारी गराउनु भयो । साथै बैदेशिक रोजगारीमा जानेहरुको लागी मिर्चैया नगरपालिकाले शीप सिकाएर दक्ष बनाई मात्र बिदेश पठाउने उदेश्य रहेको जानकारी गराउनु भयो । मिर्चैया नगरपलिकाले तालिम दिएका मध्ये २५० महिलाहरु दक्ष उधमीको रुपम काम गरिएको कुरा मेयर यादबले जानकारी गराउनु भयो , तालिम लिएकामध्ये वडा नं ९मा (चप्पल जुता कारखाना ) र वडा नं ६ मा (ढाका कपडा बुनाई गर्ने उधमीहरु ) र केही ठाँउमा मैनबत्ती अगरबत्ती बनाउने तालिम गरेर काम गरीरहेको र दुर्गा मन्दिर टोलमा तालिम दिने योजना रहेको जानकारी दिए । त्यस्तै मिर्चैया अस्पतालका मेसु डा. सारीका गोईतले रक्तदानको महत्व , रक्तदानले स्वस्थ्य शरिरमा पार्ने सकारात्मक प्रभावको बारेमा जानकारी गराउनु भयो , हाम्रो मधेशी समाजमा रक्तदानको बारेमा अनेक किसिमको भ्रम रहेको र कार्यक्रम हरुमा रगत संकलन गर्ने टिम आउने तर रक्तदान गर्ने डोनरहरु यथेष्ट संख्यामा नआउने दुःखद अबस्था रहेको जानकारी गराउनु भयो । युवाहरु रक्तदानमा सहभागी हुनु निकै राम्रो भएको कुरा डा? सारिका गोईतले जानकारी गराउनु । अन्तर्राष्ट्रिय आप्रबासन दिबसको अबसरमा गरिएका कार्यक्रमहरु भब्य र सभ्य तरिकाले समापन भयो ।
