बिपी राजमार्गको सिन्धुली खण्ड सञ्चालनमा

सुरक्षा निकायको संयुक्त टोलीले पहिरो पन्छाउने, भासिएका सडकहरू डाइभर्सन गरेर पुर्ने लगायतको काम गरेको उनको भनाई छ । नेपालथोकबाट अगाडि काभ्रे तर्फको क्षेत्रमा सडक थप बिग्रिएको र खुल्न केही समय लाग्ने उनले बताए । सडक सञ्चालनका लागि नेपाल प्रहरी र सशस्त्र प्रहरीका करिब ६० र नेपाली सेनाका २५ जना जनशक्ति परिचालन गरिएको कर्णेल कँवरले बताए ।‘खुर्कोटदेखि नेपालथोकसम्म ठाउँ–ठाउँमा पहिरो खसेको थियो । १०÷१२ स्थानमा खसेको पहिरो पन्छाएर सडक सञ्चालन गरिएको छ । २ स्थानको पहिरो निकै ठुलो थियो । कमेरोफाटको पहिरो र भासिएको सडक पन्छाउन २ वटा जेसिबी प्रयोग गरेका थियौँ । खुर्कोटतर्फ एउटा जेसिबी प्रयोग गरिएको थियो । अधिकांश काम मेसिनको प्रयोगबाट गरिएको थियो,’ उनले भनेउनका अनुसार सिन्धुलीबाट बर्दिबाससम्मको यात्रामा कुनै बाधा छैन । हाल खुर्कोटमा केही बिरामी र सुत्केरीहरूलाई काठमाडौँ पठाउने तयारी भइरहेको उनले बताए । सेनाको एमआइ हेलिकप्टरबाट ६÷७ जना बिरामी, एक महिनाको सुत्केरी र बच्चालाई काठमाडौँ पठाउने तयारी रहेको उनले बताए । हेलिकप्टर आवश्यक नरहेकालाई सिन्धुली फर्काइएको र सुरक्षित रूपमा गन्तव्यतर्फ पठाइएको उनको भनाई छ । हाल खुर्कोटमा २५ जनाको संख्यामा उद्धार गर्नुपर्ने व्यक्तिहरू रहेको उनले बताए । साभार रातपाटी डटकम