काठमाडौं । (रास्वपा) को महाधिवेशनमा प्रदेश सभा खारेज गर्ने प्रस्ताव अघि बढेपछि राजनीतिक अभियन्ता आभास गुरुले असन्तुष्टि जनाएका छन्।सामाजिक सञ्जालमार्फत प्रतिक्रिया दिँदै गुरुले चितवनमा भइरहेको गतिविधिले नेपालको संघीय संरचनामा तत्काल कुनै असर नपार्ने भए पनि यसले रास्वपाको वास्तविक चरित्र उजागर गरेको बताएका छन्। उनले “चितवनतिरको जोकले प्रदेश सभा (संघीयता) को केही तलमाथि हुँदैन, ढुक्क हुनुस्” भन्दै संघीयता सहजै समाप्त गर्न नसकिने व्यवस्था भएको उल्लेख गरे।गुरुले संघीयता कुनै चन्दा, उपहार वा विर्ताका रूपमा प्राप्त नभएको उल्लेख गर्दै यसलाई सजिलै हटाउन नसकिने तर्क राखेका छन्। “संघीयता चन्दा, उपहार या विर्तामा प्राप्त भएको हो र, यति सजिलै मेटिन्छ?” भन्ने प्रश्नमार्फत उनले संघीय व्यवस्थाप्रति आफ्नो स्पष्ट धारणा सार्वजनिक गरेका हुन्।उनले रास्वपाको महाधिवेशनमा मधेशी समुदायको प्रतिनिधित्वबारे पनि प्रश्न उठाएका छन्। मधेशी कोटाबाहेक अन्य पदमा कुनै मधेशी युवा नेतृत्व तहमा निर्वाचित हुन नसक्ने आशंका व्यक्त गर्दै उनले पार्टीभित्र समावेशिता र प्रतिनिधित्वको विषयलाई समेत बहसको केन्द्रमा ल्याएका छन्।चितवनमा जारी रास्वपाको पहिलो महाधिवेशनमा प्रदेश सभा खारेज गर्ने प्रस्तावले राजनीतिक वृत्तमा व्यापक बहस सिर्जना गरेको छ। संघीयताको संरचना, प्रदेश सभाको औचित्य तथा समावेशी प्रतिनिधित्वजस्ता विषयमा विभिन्न धारणा सार्वजनिक भइरहेका बेला अभियन्ता गुरुको अभिव्यक्तिले थप चर्चा चुलिएको छ।
